Пурнӑҫра чи пӗлтерӗшли - туслӑхпа пӗр-пӗрне пулӑшни

Ҫеҫпӗл Мишши ячӗллӗ Чӑваш патшалӑх ҫамрӑксен театрӗнче "Команда Особых Дел" ятлӑ фильм премьери иртрӗ. Унта шкул ачисем хушшинче пулса иртекен хирӗҫӳсене татса паракан вӑрттӑн организаци ӗҫӗ пирки каласа параҫҫӗ. 

Ҫак проекта пурнӑҫа кӗртес тесе 100 ытла пултаруллӑ ача тӑрӑшнӑ. Ҫу кунӗсем вӗсен хаваслӑ та тухӑҫлӑ иртнӗ: хастарсем кастингсемпе киноквестсене хутшӑннӑ, сценари ҫырнӑ, режиссёр тата оператор ӗҫӗн вӑрттӑнлӑхӗсене тӗпченӗ, грим тума вӗреннӗ. Ҫавӑнпа фильм та ӑнӑҫлӑ пулса тухнӑ. 

Пысӑк ӗҫ тунӑ чухне туслӑх тата пӗр-пӗрне пулӑшни пӗлтерӗшлӗ. Ҫакӑ сюжетӑн тӗп теми пулса тӑнӑ. Картинӑра вылякансен ашшӗ-амӑшӗ фильм усӑллӑ пулнине, ӑшӑ туйӑмсем ҫуратнине палӑртать.

"Куча-мала!" пултарулӑх киностудийӗ нумай ачапа ӗҫленипе палӑрса тӑрать. Кунта кашнине тимлӗх уйӑраҫҫӗ, кино тӗнчине алӑк уҫма пулӑшаҫҫӗ. 

Тулли залпа пысӑк экран ҫинче кинона ҫывӑх ҫынсемпе пӑхни - пысӑк ӗҫӗн тӗп пӗтӗмлетӗвӗ. Унран та пахи - ачасем ӑнланни: пурнӑҫра чи пӗлтерӗшли вӑл - туслӑхпа пӗр-пӗрне пулӑшни.

Ксения Потапова, Ярослав Яковлев, Виктор Степанов