Ӗҫ шыракансем валли ятарлӑ лаптӑксем Ҫӗнӗ Шупашкар, Канаш, Улатӑр, Ҫӗмӗрле, Етӗрне хулисенче тата Кӳкеҫ поселокӗнче уҫӑлчӗҫ. Шупашкарта вара тӗп ӗҫ-пуҫ Трактор тӑвакансен культура керменӗнче иртрӗ. Унта республикӑри 140 ытла предприяти 5 пин ваканси тӑратнӑ. Пӗр вырӑнта ӗҫ шыракансем, ӑна улӑштарма шутлакансем, студентсем тата ӗҫпе тивӗҫтерекенсем пуҫтарӑнчӗҫ.
Ятарлӑ ярмӑркка предприяти организацисене ҫӗнӗ кадрсем тупма, ӗҫ шыракансене - пӗр вырӑнтах темиҫе вакансипе паллашса кӑмӑла каяканнине суйласа илме пулӑшать. Паянхи куна республикӑра чи анлӑ сарӑлнисем - ӗҫ профессийӗсем. Ҫавӑн пекех ярмӑрккана хутшӑнакансем валли семинарсемпе пултарулӑх лапамӗсем те йӗркеленӗ.
Ҫӗртме уйӑхӗн 28-мӗшӗнче ӗҫпе тивӗҫтерекен ярмӑрккан ҫӗршыври тапхӑрӗ иртӗ. Унта хамӑр тӑрӑхри ҫеҫ мар, ытти регионти вакансисемпе те паллашма май пулӗ.
Оксана Верликова, Дарья Петрова, Вадим Владимиров
