Ырӑ пуҫарупа ҫул ҫинчи хӑрушсӑрлӑха тимлекенсемпе Шупашкарти Республика лапамне пирӗн пултарулӑх ушкӑнӗ те тухрӗ. Сӑмах май, акци регионӗпех вӑй илнӗ. Экипажсем ҫамрӑк инспекторсен юхӑмӗн хастарӗсемпе пӗрле хӗрарӑм-водительсене чараҫҫӗ. Ҫурхи чечек ҫыххи, асӑнмалӑх парне тата ачасем хӑйсен аллипе ӑсталанӑ открытка параҫҫӗ. Ҫавӑн пекех ӑшӑ салампа танах ҫул-йӗр йӗркисене пӑхӑнма, асӑрхануллӑ пулма сунаҫҫӗ. Парнеллӗ патрульсем пуш уйӑхӗн 5-мӗшӗнчен 8-мӗшӗччен ҫул ҫинче сыхӑ тӑраҫҫӗ.
Алиса Александрова, Елена Михайлова, Денис Афанасьев
