Шупашкарта 10-мӗш класа вӗренме илессипе ҫыхӑннӑ ыйтусене "хӗрӳ лини" телефонӗпе уҫӑмлатма пулать

9-мӗш класс пӗтерекенсемшӗн ҫулла яваплӑ утӑм тумалли вӑхӑт. Шкултах юлас е техникум-колледжа каяс ыйту тӑрать ҫамрӑксен умӗнче. Шупашкарта йышӑну кампанийӗ мӗнле пыни пирки пире хула администрацийӗн вӗренӳ управленийӗн пуҫлӑхӗ Алексей Лукшин каласа кӑтартрӗ.

Тӑван шкулпа уйрӑлма васкаманнисем валли Шупашкарта 107 класс уҫнӑ. Пӗлтӗр вӗсен шучӗ 85 кӑна пулнӑ. Ачасем хальччен илнӗ пӗлӗвне технологи, социаллӑ пурнӑҫпа экономика, ӑслӑлӑх, гуманитари енӗпе тарӑнлатма пултараҫҫӗ. Темиҫе профильлӗ классем те пулаҫҫӗ. Вӗсене конкурс меслечӗпе тата экзаменра пухнӑ баллсене тӗпе хурса йышӑнаҫҫӗ. 10-мӗш класа вӗренме кӗрессипе ҫыхӑннӑ ыйтусене хула администрацийӗн вӗренӳ управленийӗнче уҫӑмлатма хатӗр. Ашшӗ-амӑшӗ валли унта "хӗрӳ лини" телефонӗ йӗркеленӗ.

Алиса Александрова, Игорь Ульянов