27 апреля 2017 21:41   14°   $56,97 €62,17


Вести-Чăваш ен

Картишсенче саксенчен пуçласа хунарсем таранах вырнаçтарĕç

Кăçал Раççей Федерацийĕн Патшалăх Думи çĕршывшăн пĕлтерĕшлĕ 4 проект йышăннă. Вĕсенчен пĕри хуласене аталантарассипе çыхăннă. Çавна май республикăра мĕнле улшăнусем пулассине Леонид Черкесов депутат каласа кăтартрĕ.

27.04.2017 19:00

Ял пурнăçне чĕртме, çынлăха вăратма чĕнсе калакан спектакль

Арсений Тарасовăн «Туя туй пек тăвар-и?» хайлавĕ тăрăх çурхи кăмăлпа, илемлĕ юрă-ташăпа, шӳт-кулăпа лартнă хаваслă спектакль Чăваш драма театрне лăк тулли халăх пуçтарчĕ.

27.04.2017 18:57

Пултаруллă вĕрентекенсене грантсем парса хавхалантарĕç

Тăван чĕлхе вĕрентекенсене республика Пуçлăхĕн премине парĕç. Çакăн çинчен калакан саккуна Министрсен Кабинечĕн ларăвĕнче ырларĕç. Владимир Тимофеев Вĕренÿ министрĕ Юрий Исаев палăртнă тăрăх, документ чăваш, тутар, ирçе чĕлхисемпе регионсем хушшинчи тата Раççейри олимпиадăсен çĕнтерÿçисене хатĕрлекен вĕрентекенсене пулăшма тивĕç.

27.04.2017 18:56

Вакцина витĕмĕ пур

Пирĕн республикăра мĕн пур çĕршыври пекех Европăри иммунизаци эрни пырать. Ăна çулсерен Пĕтĕм тĕнчери сывлăх сыхлавĕн организацийĕ пуçарнипе йĕркелеççĕ.

27.04.2017 18:55

Правительство Çуртĕнче журналистсене чысларĕç

Правительство çуртĕнче тĕрлĕ енĕпе палăрнă журналистсене чысларĕç. Вĕсен йышĕнче манăн ĕçтешсем те пур. Екатерина Фомина, Александр Яковлев Пĕлтĕр республикăра Ĕç çыннин çулталăкĕ пулнă.

27.04.2017 18:54

Филармонири артистсем Пушкăрт тăрăхĕнче хăнара пулчĕç

Тăван чĕлхепе янăракан юрра–кĕвве хамăр республикăра кăна мар, унăн тулашĕнче те кăмăллаççĕ. Чăваш патшалăх филармонийĕнчи артистсем çак кунсенче Пушкăртстан тăрăхĕнчен таврăнчĕç.

26.04.2017 19:18

Ĕç-хĕле пĕтĕмлетрĕç, тĕллевсене палăртрĕç

Чăваш патшалăх ял хуçалăх академийĕнче иртнĕ çулти ĕç-хĕле пĕтĕмлетрĕç. Унта ăслăлăх канашĕн анлă ларăвĕ иртрĕ. Надежда Александрова, Юрий Васильев 2015 çулхипе танлаштарсан, пĕлтĕр аслă шкула 8 процент ытларах студент вӗренме кĕнĕ.

26.04.2017 19:17

Халăх юррине несĕлсем валли упраса хăваракан

Паллă композитор, Чăваш АССР искусствăсен тава тивĕçлĕ деятелĕ Василий Воробьев çуралнăранпа 130 çул çитрĕ. Çавна май Наци библиотекинче Воробьев ячĕпе хисепленекен ача-пăча музыка шкулĕнче вĕренекенсем тата ытти пултарулăх ушкăнĕсем лекци-концерт ирттерчĕç.

26.04.2017 19:16

Мускавра Чăваш Ене пахаларĕç

Раççей Урăх çĕршыв ĕçĕсен министерствинче 9 çул иртсен каллех чăваш юрри-кĕвви янăрарĕ, наци апачĕ техĕмленчĕ. Мускавра республикăн презентацийĕ иртрĕ.

25.04.2017 19:10

Анлăн янăра, чăваш чĕлхи!

Паян – аслă вĕрентекенĕмĕр Иван Яковлев çуралнă кун. 1992-мĕш çулта ăна Чăваш чĕлхин кунне халаллама йышăннă. Тĕрлĕ уявпа пĕрлех Наци библиотекинче «Литературăллă Чăваш ЕН» конкурса пĕтĕмлетрĕç, чи пултаруллă авторсене чысларĕç.

25.04.2017 19:08

Çĕнтерÿçĕсем Раççейри тата чикĕ леш енчи конкурссене хутшăнаççĕ

Кăçалхипе 17-мĕш хут ача-пăча пултарулăхĕн «Жемчужинки Чувашии» фестиваль иртрĕ. Çамрăк „çăлтăрсем“ унăн сцени çинче ăсталăхне туптаса ытти çĕршыври конкурссенче те малти вырăнсене йышăнаççĕ.

25.04.2017 19:07

Чăваш делегаци – аслă вĕрентекенĕмĕр тăван тăрăхĕнче

Чăваш чĕлхи кунне халалласа Иван Яковлевăн тăван çĕрĕнче пысăк уяв иртрĕ. Тутарстана, Аслă вĕрентекенĕмĕр çуралса ӳснĕ Кăнна Кушкине Культура министерствипе Наци конгресĕн хастарĕсем, артистсем çитсе килчĕç.

25.04.2017 19:06

Куçса çÿрекен поликлиника кашни хулапа района çитĕ

Сывлăх сыхлавĕн министерствин «Куçса çÿрекен поликлиника» çĕнĕ проекчĕ аталанать. Ăна пурнăçласа тухтăрсен 2 бригади çак кунсенче Елчĕк районĕн тĕп больницине çитрĕ.

25.04.2017 19:00

Кубоксемпе медальсемшĕн 60 ытла ушкăн тупăшрĕ

Шупашкарта фитнес-аэробика енĕпе шкул ачисен спартакиади иртрĕ. Унта пин çурă ытла спортсмен хутшăнчĕ. Оксана Баскакова, Игорь Ульянов Кăçалхипе республикăра шкул ачисен спартакиадине 4-мĕш хут йĕркелеççĕ.

24.04.2017 19:13

Геннадий Большаков артиста юлашки çула ăсатрĕç

Республика культури пысăк çухату тӳсрĕ. Ака уйăхĕн 22-мĕшĕнче нумай вăхăт чирленĕ хыççăн Геннадий Большаков артист пурнăçран уйрăлнă. Александр Осипов, Оксана Баскакова, Михаил Солин Театра халăх хальхинче Геннадий Большаков вылякан спектакле курма мар, юратнă артистпа сывпуллашма пуханнă.

24.04.2017 19:11

Лабиринтсенче çул шырарĕç, тĕрлĕ улах ларчĕç

Библиотекăра ГТО нормисене пурнăçларĕç. Паллах, çакă вулавăшра 3 çухрăм чупнине, турник çинче туртăннине пĕлтермест. Çĕнĕлĕх Наци библиотекинче иртнĕ «Библиокаç» акцин пĕр пайĕ пулчĕ.

24.04.2017 19:10

Чăваш каратисчĕсем сумлă турнирта палăрнă

Республикăри Ве-Ка-Це каратэ федерацийĕ Мускав облаçĕнчи Люберцы хулинче иртнĕ «Спорт - миршĕн» уçă турнира хутшăннă. Унта чăваш спортсменĕсем те палăрнă.

20.04.2017 19:27

Çанталăк ял хуçалăхĕнче тăрăшакансен ĕçне ура хурать

Акана тухма халĕ тăхтас пулать. Сăмах май, çурхисене пĕлтĕр республикăра ака уйăхĕн 14-мĕшĕнче акма пуçланă. Екатерина Фомина, Павел Иритков Юр çуса лартиччен хуçалăхсем кĕрхи калчасене апатлантарма, çĕртме сÿрелеме ĕлкĕрнĕ.

20.04.2017 19:26

Шупашкара Хĕл Мучи таврăннă

Чăваш Енре паян кунĕпех çил-тăман алхасать. Тавралăх çĕнĕрен кăпăшка юрпа витĕнни пуриншĕн те кĕтменлĕх пулчĕ. Çула тухакансемшĕн вара çакă чăн-чăн чăрмав.

20.04.2017 19:25

„Шупашкар хурчкисем“ çĕршывĕпе палăрнă

Шупашкар хула администрацийĕнче баскетболистсен „Чебоксарские ястребы“ ушкăнне чысларĕç. Вĕсем Раççей чемпионатĕнчен кĕмĕл медальсемпе таврăннă.

19.04.2017 19:20